O’zbekiston Respublikasi Yoshlar ishlari agentligi huzuridagi Yoshlar muammolarini o’rganish va istiqbolli kadrlarni tayyorlash institutida 2022-2023 o’quv yili 2-davra 4 oylik qayta tayyorlash o’quv kursida o’qish istagida bo’lgan nomzodlar o’rtasida joriy yilning 19-20 sentabr kunlari suhbat imtihonlari o’tkazildi.

Suhbat imtihoniga 08-sentabr kuni BMB (Bilim va malakalarni baholash agentligi) tomonidan o’tkazilgan test sinovlarida 49,5 ball va undan yuqori ball to’plagan nomzodlar ishtirok etishdi.

O’zbekiston Respublikasi Vazirlar Mahkamasining 2018-yil 4-maydagi VM-336-sonli qaroriga ko’ra, suhbat imtihoni nomzodlarning boshqaruv qobiliyati, ijtimoiy va ma’naviy-axloqiy darajasi, psixologik barqarorligi, tashkilotchiligi, yetakchiligi, vatanparvarlik xususiyatlarini va jamoa bilan ishlash ko‘nikmalarini aniqlashga qaratilgan.