Vazifalari:

– yoshlar sohasida tadqiqotlarni tashkil etish, tizimli muammolar yechimiga qaratilgan takliflarni ishlab chiqish va ushbu takliflarni amaliyotga tatbiq etish bo‘yicha Yoshlar ishlari agentligiga taqdim etib borish;

– yoshlar muammolarini o‘rganish, istiqbolli yo‘nalishlarni oldindan belgilash hamda sohada ilmiy tadqiqotlar jarayonlarini yuqori darajada tashkil etish;

– yoshlarga oid davlat siyosati sohasida olib borilayotgan ishlar to‘g‘risidagi ma’lumotlarni yig‘ish, tizimlashtirish, jamlash va tahlil qilish;

– davlat va nodavlat tashkilotlarining yoshlarga oid faoliyati bo‘yicha statistik ma’lumotlarni to‘plash, yuritish va tahlil qilish;

– “Yoshlar murojaati” elektron platformasiga kelib tushgan murojaatlarning tegishliligi bo‘yicha davlat organlari va tashkilotlari tomonidan ko‘rib chiqilishi va hal etilishi bo‘yicha tizimli monitoring yuritish;

– yoshlarga oid davlat siyosatining joylarda amalga oshirilishi samaradorligini o‘rganish oshirish;

– tahlillar natijasida yoshlarga oid davlat siyosatini yangi bosqichga olib chiqishga qaratilgan ishlab chiqilgan takliflarni joylarda davlat va nodavlat tashkilotlari tomonidan amalga oshirilishini monitoring qilish;

– Bo’lim faoliyatiga tegishli masalalar bo’yicha normativ-huquqiy hujjatlar loyihalarini ishlab chiqish;

– yoshlar indeksi yo‘nalishida Institutning xalqaro aloqalarini rivojlantirish buyicha takliflar ishlab chiqish;

– mahalliy va xalqaro ilmiy grantlarda ishtirok etish.

Funksiyalari:

– mutasaddi idora va tashkilotlardan tegishli statistik ko‘rsatkichlarni olish;

– mutasaddi tashkilotlar tomonidan taqdim etilgan statistik ko‘rsatkichlarni qayta tekshirish va joylarda holatni chuqur o‘rganish maqsadida tadqiqotlar olib borish;

– joylardagi vazirlik, idora va tashkilotlarning qo‘yi bo‘g‘inlarining yoshlarga oid faoliyatini yaqindan o‘rganib, ularga baho berish va ish faoliyatini samaradorligini oshirish bo‘yicha amaliy takliflar ishlab chiqish;

– Internet va ijtimoiy tarmoqlarda yoshlar tomonidan kelib tushgan murojaatlar, ko‘tarilgan muammolarni tahlil qilib borish;

– yoshlar muammolarini hal etish sohasida ilg‘or xorijiy tajribani o‘rganib borish;

– respublikada va xorijda ro‘y berayotgan yoshlar siyosatiga oid muhim yangiliklarni kuzatib borish;

– bo’lim faoliyatiga tegishli masalalar bo‘yicha normativ-huquqiy hujjatlar loyihalarini tayyorlash;

– respublika va xalqaro miqyosda yoshlar muammolarini hal qilish masalalariga bag‘ishlangan konferensiya, seminar, davra suhbatlari va boshqa tadbirlarda ishtirok etish;

– yil davomida amalga oshirilgan ishlar bo‘yicha O‘zbekiston Respublikasi Yoshlar ishlari agentligiga, Institut direktoriga, direktor o‘rinbosariga va Ilmiy kengashga hisobot berish;

– bo’lim tahliliy faoliyatni amalga oshirish doirasida Institut rahbariyati tomonidan bo’lim zimmasiga yuklatilgan boshqa vazifalarni ham amalga oshiradi.

BO‘LIM TARKIBI:

 

Tel: (+998 71) 232-61-28 , E-mail:monitoring@yomi.uz.