2018 yilning oktyabr oyida Toshkentda O‘zbekiston va Rossiya hukumat rahbarlari raisligida “Yangi iqtisodiyot uchun yangi kadrlar” mavzusidagi birinchi Ta’lim forumi tashkil qilindi va unda mamlakatlarimiz tomonidan ta’lim va fan sohalarida o‘zaro manfaatli hamkorlikni rivojlantirish borasidagi dolzarb vazifalar belgilangan edi. Shu munosabat bilan, 2019-yilning 24-27 mart kunlari Rossiya Federatsiyasi Prezidenti huzuridagi Rossiya xalq xo‘jaligi va davlat xizmati akademiyasi Sibir boshqaruvi instituti filialining 6 nafar xodimidan iborat delegatsiya mamlakatimizga tashrif buyurdi.

Joriy yilning 26 mart kuni O‘zbekiston Respublikasi Prezidenti huzuridagi Davlat boshqaruvi akademiyasi qoshidagi Yoshlar muammolarini o‘rganish va istiqbolli kadrlarni tayyorlash instituti, O‘zbekiston Respublikasi Prezidenti huzuridagi Davlat boshqaruvi akademiyasi hamda O‘zbekiston yoshlar ittifoqi bilan hamkorligida “Yoshlar siyosati va ta’lim sohasida hamkorlik masalalari: Rossiya – O‘zbekiston muloqoti” mavzusida xalqaro davra suhbati bo‘lib o‘tdi.

Mazkur tashkil etilgan davra suhbatida mutaxassislar yoshlarga oid davlat siyosatini hayotga tadbiq etishga qaratilgan quyidagi masalalarda rus tilidagi ma’ruzalari bilan ishtirok etishdi:
– «Ведущие подходы в организации государственной молодежной политики: из опыта становления в Российской Федерации»;
– «Формы академического взаимодействия при реализации образовательных программ»;
– «Государственное и муниципальное управление: перспективы и направления молодежного сотрудничества»;
– «Перспективы российско-узбекского сотрудничества в сфере общественной дипломатии: опыт Экспертного клуба «Сибирь-Евразия»;
– “Платформа лидеров как институт самоуправления в системе Союза молодёжи Узбекистана”;
– “Приоритетные направления деятельности фонда “Yoshlar – kelajagimiz” при Союзе молодежи Узбекистана”
mavzularidagi ma’ruzalar bilan ishtirok etishdi.