Bo’lim Institutning tarkibiy tuzilmasi bo’lib, O’zbekiston Respublikasi Prezidentining 2020-yil 30- iyundagi “O’zbekiston Respublikasi yoshlar ishlari agentligi faoliyatini tashkil etish to’g’risida’’gi  PQ-4768-sonli qaroriga asosan tashkil topgan.

Kadrlar bo‘limi Institutning tarkibiy tuzilmasi hisoblanib, o‘z faoliyatini O‘zbekiston Respublikasining amaldagi qonunlari, mehnat munosabatlariga oid normativ-huquqiy hujjatlar, Institut Nizomi, Ilmiy kengash qarorlari, Institut direktori buyruqlari hamda boshqa tegishli hujjatlar asosida amalga oshiradi.

Bo‘limning asosiy maqsadi Institutda kadrlar siyosatini samarali tashkil etish, mehnat munosabatlarini qonunchilik talablari asosida yuritish, xodimlarni tanlash, ishga qabul qilish, joylashtirish va ularning kasbiy salohiyatini rivojlantirish, kadrlar tarkibining barqarorligini ta’minlash, xodimlarga oid hujjatlarni rasmiylashtirish va yuritish, shuningdek, Institutning malakali kadrlarga bo‘lgan ehtiyojini qondirishdan iborat.

Kadrlar bo‘limi o‘z faoliyatini Institutning umumiy maqsad va vazifalari, istiqbolli hamda yillik ish rejalari bilan uyg‘un holda olib boradi. Bo‘lim xodimlar bilan ishlash, mehnat munosabatlarini tartibga solish, kadrlar hujjatlarini yuritish, xodimlarning malakasini oshirish va kadrlar zaxirasini shakllantirish bilan bog‘liq faoliyatni muvofiqlashtiradi.

Bo‘limning asosiy vazifalari uning belgilangan maqsadlaridan kelib chiqib, quyidagilardan iborat:

– Institutning kadrlar siyosatini ishlab chiqish va amalga oshirishda ishtirok etish;

– Institutning xodimlarga bo‘lgan ehtiyojini aniqlash, mavjud vakant lavozimlarni to‘ldirish bo‘yicha takliflar ishlab chiqish;

– xodimlarni ishga qabul qilish, boshqa lavozimga o‘tkazish va mehnat shartnomalarini bekor qilish bilan bog‘liq hujjatlarni amaldagi qonunchilik asosida rasmiylashtirish;

– xodimlarning shaxsiy hujjatlarini shakllantirish, yuritish va saqlash, shaxsiy yig‘majildlarning belgilangan tartibda rasmiylashtirilishini ta’minlash;

– Institut xodimlariga oid buyruqlar, mehnat shartnomalari, qo‘shimcha kelishuvlar va boshqa kadrlar hujjatlarini tayyorlash hamda rasmiylashtirish;

– xodimlarning mehnat faoliyatiga oid ma’lumotlarni hisobga olish, kadrlar tarkibi bo‘yicha tegishli ma’lumotlar bazasini shakllantirish va yangilab borish;

– xodimlarning mehnat ta’tili, xizmat safari va mehnat faoliyatiga oid boshqa jarayonlarni belgilangan tartibda hujjatlashtirish;

– Institutda mehnat intizomi va ichki mehnat tartibi qoidalariga rioya etilishi yuzasidan tegishli tarkibiy bo‘linmalar bilan hamkorlik qilish;

– xodimlarning malakasini oshirish, qayta tayyorlash va kasbiy rivojlanishini tashkil etish bo‘yicha takliflar ishlab chiqish;

– istiqbolli kadrlarni aniqlash, kadrlar zaxirasini shakllantirish va undan samarali foydalanish bo‘yicha ishlarni amalga oshirish;

– xodimlarni rag‘batlantirish, ularning kasbiy salohiyatini rivojlantirish va mehnat samaradorligini oshirishga qaratilgan takliflar tayyorlash;

– Institutda mehnat munosabatlariga oid qonunchilik talablariga rioya etilishini ta’minlash bo‘yicha tegishli chora-tadbirlarni amalga oshirish;

– xodimlar soni, tarkibi, lavozimlari va kadrlar harakati bo‘yicha belgilangan hisobotlarni yuritish hamda tegishli ma’lumotlarni rahbariyatga taqdim etish;

– kadrlar bilan ishlash sohasidagi ilg‘or tajribalarni o‘rganish va ularni Institut faoliyatiga tatbiq etish yuzasidan takliflar ishlab chiqish;

– kadrlar faoliyatiga oid hujjatlarning belgilangan tartibda saqlanishi va ulardan foydalanilishini ta’minlash;

– Institut rahbariyatining kadrlar bilan ishlashga oid topshiriqlari va buyruqlari ijrosini ta’minlash.

BO‘LIM TARKIBI: