«Boshqaruv koʻnikmalari va yetakchilik mahoratini rivojlantirish» kafedrasi

Kafedra haqida

«Boshqaruv koʻnikmalari va yetakchilik mahoratini rivojlantirish» kafedrasi Institutning asosiy tarkibiy tuzilmalaridan biri boʻlib, Oʻzbekiston Respublikasi Prezidentining 2020-yil 30-iyundagi PQ-4768-sonli Qaroriga muvofiq tashkil etilgan.

Kafedra oʻz faoliyatida Oʻzbekiston Respublikasi Konstitutsiyasi, milliy qonunlar, Prezident farmon va qarorlari, Vazirlar Mahkamasi qarorlari hamda Institut Ustaviga amal qiladi.

Kafedraning maqsadi

Asosiy maqsad: Tinglovchilarda boshqaruv nazariyasi, psixologiya, strategik rejalashtirish va qaror qabul qilish, inson kapitalini boshqarish hamda moliyaviy savodxonlik boʻyicha chuqur bilimlarni shakllantirish va ushbu sohada ilmiy izlanishlarni olib borishdan iborat.

Asosiy vazifalar

Kadrlar tayyorlash: Yuksak ma’naviy va professional talablarga javob beradigan raqobatbardosh boshqaruv kadrlarini yetishtirish.
Malaka oshirish: Davlat va xoʻjalik boshqaruvi organlari hamda jamoat tashkilotlarining yosh istiqbolli kadrlari uchun oʻquv kurslarini tashkil etish.
Oʻquv va ilmiy jarayonni boshqarish: Tinglovchilarning amaliyoti, kurs va bitiruv malakaviy ishlariga rahbarlik qilish, reyting nazoratini joriy etish.
Tadqiqotlar: Boshqaruv, ijtimoiy psixologiya va sotsiologiya yoʻnalishlarida ilmiy izlanishlar olib borish va tinglovchilarning ijtimoiy-psixologik qiyofasini shakllantirish.

Professor-oʻqituvchilarning asosiy funksiyalari

Zamonaviy oʻquv dasturlari, darslik va oʻquv-uslubiy qoʻllanmalarni ishlab chiqish hamda xorijiy ta’lim standartlari bilan qiyosiy tahlil qilish.
Professor-oʻqituvchilarning ilmiy va pedagogik salohiyatini oshirish, respublika va xalqaro anjumanlarda ishtirokini ta’minlash.
Masofaviy ta’lim va zamonaviy pedagogik hamda axborot-kommunikatsiya texnologiyalarini oʻquv jarayoniga joriy etish.

Oʻqitiladigan fanlar

Kafedrada quyidagi asosiy fanlar boʻyicha dars mashgʻulotlari olib boriladi:

Yoshlarga oid davlat siyosati
Oʻzbekiston Respublikasining siyosiy tizimi va davlat boshqaruvining huquqiy asoslari
Oʻzbekiston va geosiyosiy oʻzgarishlar
Davlatning iqtisodiy siyosati va moliyaviy savodxonlik
Boshqaruv psixologiyasi va ijtimoiy boshqaruv texnologiyalari
Liderlik mahorati va ommaviy muloqot / notiqlik san’ati
Inson resurslarini boshqarish va loyiha boshqaruvi asoslari

Kafedra a’zolari:

F.I.Sh. Shodiev Tohir Ochilovich