Bugungi kunda butun Qozog’iston bo’ylab muammoli masalalarni yaqindan o’rganish, xizmat ko’rsatish maskanlarida huquqbuzarliklarning oldini olish va aholi, jumladan, yoshlarni maksimal darajada qamrab olishga qaratilgan “Uchastka” – profilaktik tadbiri o’tkazilmoqda. Ushbu tadbir joriy yilning 1-sentyabridan 1-dekabrigacha davom etishi belgilangan.
Tadbir doirasida militsiya uchastka inspektorlari yoshlar orasida huquqbuzarlik holatlarini aniqlash, uyma-uy yurish orqali ichki ishlar organlarida ro’yxatdan o’tgan fuqarolarni tekshirish, shuningdek, ijaraga beriladigan xonadonlar, bozorlar va yoshlar to’planadigan joylarni tekshiruvdan o’tkazish nazarda tutilgan.