Yoshlar muammolarini o’rganish va istiqbolli kadrlarni tayyorlash instituti qobiliyat va kasbiy faoliyat (musiqachilar, pedagoglar, harbiy rahbarlar va b.) psixologiyasini differentsial o’rganishga asos solgan B.M.Teplov tavalludining 125 yilligiga bag’ishlangan xalqaro konferentsiyaning hamkor tashkilotchilari ro’yxatiga kiritildi. 2021 yil 21-22 oktyabr kunlari Moskvada, Rossiya ta’lim akademiyasi Psixologiya instituti binosida tashkil etilishi rejalashtirilgan «Differentsial psixologiya va psixofiziologiya bugungi kunda: qobiliyatlar, ta’lim, kasbiy mahorat» mavzusidagi xalqaro konferentsiyaning asosiy tashkilotchisi bo’lib Rossiya ta’lim akademiyasi huzuridagi Psixologiya instituti hisoblanadi.
Ushbu konferentsiyaning hamkor tashkilotchilari ro’yxatiga Yoshlar muammolarini o’rganish va istiqbolli kadrlarni tayyorlash institutidan tashqari M.V.Lomonosov nomidagi Moskva davlat universiteti (Rossiya), Oliy iqtisodiyot maktabi (Rossiya), Rossiya fanlar akademiyasi huzuridagi psixologiya instituti (Rossiya), Belgorod davlat universiteti (Rossiya), Vladivostok davlat iqtisodiyot va servis universiteti (Rossiya), Buxoro davlat universiteti (O’zbekiston), Al-Farobiy nomidagi Qozoq milliy universiteti (Qozog’iston), B.N.Elьtsin nomidagi Qirg’iziston-Rossiya slavyan universiteti (Qirg’iziston), Belorusiya davlat universiteti (Belarusь) hamda M.V.Lomonosov nomidagi Moskva davlat universitetining Toshkent shahridagi filiali (O’zbekiston) kabi bir qator yetakchi ilmiy va ta’lim muassasalari kiritilgan.
Xalqaro konferentsiya haqida batafsil ma’lumot axborot xatida berilgan.