“YANGI O‘ZBEKISTONDA YOSHLAR HAYOTI SIFATINI OSHIRISH: MUAMMO VA YECHIMLAR” MAVZUSIDAGI

RESPUBLIKA ILMIY-AMALIY KONFERENSIYASI

(2021 yilning 25 iyun)

AXBOROT XATI

O‘zbekiston Respublikasi Yoshlar ishlari agentligi huzuridagi Yoshlar muammolarini o‘rganish va istiqbolli kadrlarni tayyorlash instituti tomonidan joriy yilning 25 iyunida “Yangi O‘zbekistonda yoshlar hayoti sifatini oshirish: muammo va yechimlar” mavzusidagi respublika ilmiy-amaliy konferensiya o‘tkazilish rejalashtirgan.

Konferensiyada ko‘riladigan masalalar:

1-yo‘nalish: Yoshlar o‘rtasida ijtimoiy-siyosiy faollikni oshirishning dolzarb masalalari;

2-yo‘nalish: Yoshlarning tadbirkorlik faoliyatini qo‘llab-quvvatlash va bandligini ta’minlash muammolari;

3-yo‘nalish: Yoshlar o‘rtasida jinoyatchilik va huquqbuzarlikning oldini olishda “mahallabay” ishlash tizimining o‘rni;

4-yo‘nalish: Yoshlar o‘rtasida oilaviy ajrimlar va ularning oldini olish muammolari;

5-yo‘nalish: Uchinchi Renessans poydevorini yaratishda yoshlarga ta’lim-tarbiya berish va ularni kasb-hunarga yo‘naltirishning ahamiyati.

Ilmiy-amaliy konferensiyani o‘tkazish tartibi: Konferensiya 2021 yil 25 iyun soat 10.00 da  o‘tkaziladi (Zoom videoaloqa dasturi orqali ulanish uchun havola www.yomi.uz saytida e’lon qilinadi). Unda vazirlik, idora, turli tashkilot-muassasalar tegishli mutaxassislari, O‘zbekiston yoshlar ittifoqi vakillari, yosh olimlar (doktorantlar, mustaqil tadqiqotchilar, magistrantlar hamda bakalavr bosqichidagilar)ning ishtirok etishi nazarda tutilgan.

Ilmiy-amaliy konferensiyada ishtirok etuvchilarning ilmiy maqolalari quyidagi talablar asosida qabul qilinadi:

1. Ilmiy maqolalar konferensiya yo‘nalishlariga oid dolzarb mavzularda, ilmiy tahlillarga tayanib, tugallangan fikrlar asosida tegishli taklif va tavsiyalar taqdim etilgan bo‘lishi lozim.
2. Taqdim etilayotgan ilmiy maqolalar soha bo‘yicha yetuk mutaxassislarning kamida bitta taqrizi bilan qabul qilinadi.
3. Ilmiy maqolalar matnlari tahrir qilingan holda A4 hajmdagi qog‘ozga, yuqoridan va pastdan 2 sm, chapdan 3 sm, o‘ngdan 1,5 sm joy qoldirib, bir nusxada rasmiylashtirilgan bo‘lishi lozim. Maqolaning nomi bosh harflar bilan yozilib, 1,5 intervaldan so‘ng muallifning to‘liq familiyasi, ismi va otasining ismi hamda lavozimi yoki ilmiy unvoni yoziladi (hammualliflar soni 2 nafardan oshmasligi lozim), 1 intervaldan keyin tashkilot (ish yoki o‘qish joyi) va shahar nomi ko‘rsatiladi. So‘ngra 1,5 interval qoldirilib, matn mazmuni 1,5 intervalli qatorlarda yoziladi.
4. Matnning elektron nusxasi MS Word dasturida, Times New Roman shriftida, 14 kegel kattaligida bo‘lishi, 3 betdan kam bo‘lmasligi va 7 betdan oshmasligi lozim. Maqolalarning elektron nusxasi (RTF) va taqrizi imzosi bilan skaner qilingan (PDF) holatda maqolaga ilova qilib, conference@yomi.uz elektron manziliga yoki +998 90 119 25 06, +998 90 118 25 06 (https://t.me/maqola_yomi) raqamiga yuboriladi.
5. Havolalar maqolaning oxirida beriladi, unda adabiyotning muallifi, nomlanishi, nashriyoti, nashr yili, fikr olingan yoki asoslangan sahifasi ko‘rsatiladi hamda o‘rnatilgan tinish belgilari tizimiga amal qilinadi. Har bir maqola antiplagiat dasturida tekshiriladi.
6. Konferensiyaning rasmiy tillari: o‘zbek, qoraqalpoq, rus va ingliz.
7. Konferensiya uchun materiallar 2021 yil 25 mayiga qadar
   O‘zbekiston Respublikasi Yoshlar ishlari agentligi huzuridagi Yoshlar muammolarini o‘rganish va istiqbolli kadrlarni tayyorlash institutining (Toshkent shahri, I.Karimov ko‘chasi 45-uy) tashkiliy qo‘mitasiga taqdim etilishi mumkin.

Maqolalar ilmiy saviyasi bo‘yicha tashkiliy qo‘mita tomonidan tanlab olinadi. Qo‘yilgan talablarga javob bermaydigan maqolalar chop etilmaydi va qo‘lyozmasi qaytarilmaydi.

Bayon etilgan ma’lumotlar va ularning ilmiy-nazariy asoslanganligi hamda metodik jihatlari bo‘yicha muallif(lar) mas’uldir. Batafsil ma’lumotlarni  +998 90 119 25 06, +998 90 118 25 06  telefon raqamlari orqali olish mumkin.

Axborot xati

1-ilova

KONFERENSIYA QATNASHUVCHISI ANKETASI