Monitoring bo‘limi Institutning tarkibiy tuzilmasi bo‘lib, O‘zbekiston Respublikasi Prezidentining 2017 yil 14 avgustdagi “O‘zbekiston Respublikasi Prezidenti huzuridagi Davlat boshqaruvi akademiyasi qoshidagi Yoshlar muammolarini o‘rganish va istiqbolli kadrlarni tayyorlash Instituti faoliyatini tashkil qilish chora-tadbirlari to‘g’risida”gi PQ-3206-sonli Qarori, Institut Nizomi, Ilmiy kengash qarorlari, Institut direktori buyruqlari, shuningdek, O‘zbekiston Respublikasining amaldagi qonunlari hamda monitoring bo‘limining Nizomiga asosan faoliyat olib boradi.
Bo‘limning asosiy maqsadi hududlar va tarmoqlar kesimida davlat hokimiyati, davlat va xo‘jalik boshqaruvi, jamoat tashkilotlarining yosh istiqbolli kadrlari to‘g’risida ma’lumotlar bazasini shakllantirish, Institut bitiruvchilarining kasbiy o‘sishi va professional rivojlanishini monitoring qilish tizimini yaratish, Institut tinglovchilarini o‘quv jarayoni monitoringini tashkil etish, Yoshlarga oid davlat siyosatini amalga oshirish va yoshlar muammolarini o‘rganish sohasida xalqaro hamkorlik va aloqalarni rivojlantirishdan iborat
Bo‘limning asosiy vazifalari bo‘lim maqsadidan kelib chiqqan holda belgilanadi va quyidagilardan iborat:
– Institut bitiruvchilarining kasbiy o‘sishini monitoring qilish.
– Istiqbolli rahbar kadrlarni tayyorlash mezonlarini ishlab chiqish.
– Istiqbolli kadrlarni kasbiy o‘sishi borasidagi muammolar bo‘yicha tahliliy materiallar tayyorlash.
– Istiqbolli kadrlarning onlayn bankini yaratish.
– Institut bitiruvchilarining salohiyatiga qarab yuqori lavozimlarga tavsiya qilish mexanizmini ishlab chiqish.
– Institut tinglovchilarini mahalliy va xorijiy idora-tashkilotlarda amaliyot va stajirovka o‘tashga yuborishni tashkil qilish.
Asosiy vazifalardan kelib chiqqan holda bo‘limning funksiyalari quyidagicha belgilanadi:
– Davlat va xo‘jalik boshqaruvi organlari, jamoat birlashmalari bilan istiqbolli kadrlar bo‘yicha hamkorlik qilish.
– Institut tinglovchilarining ma’lumotlar bazasini shakllantirib borish.
– Institut tinglovchilarini boshqaruv va rahbarlik qobiliyatini aniqlash borasida tinglovchilar bilan muntazam suhbat o‘tkazib turish.
– Institut bitiruvchilarining kasbiy o‘sishi o‘zgarishsiz qolayotgani va bitiruvchilarning ishdan bo‘shatilish sabablarini o‘rganish bo‘yicha tashkilot rahbariyati bilan muloqot o‘rnatish va monitoring qilish.
– Institut tinglovchilarining tanlash, amaliyot, stajirovkalar va kasbiy o‘sish monitoringi bo‘yicha ma’lumotlarni muntazam ravishda tayyorlab boradi va so‘ralgan vaqtda rahbariyatga va boshqa yuqori tashkilotlarga taqdim etish.
Institut tuzilmasiga ko‘ra bo‘lim tarkibi bo‘lim boshlig’i, bosh mutaxassis va 2 bosh metodistlardan iborat.
BO‘LIM TARKIBI:
Murojaat uchun Tel: (+998 71) 232-61-28 , E-mail:monitoring@yomi.uz.